الأخت miss sweet ضيفتنا على كرسي الإعتراف

[WideScreen]

نعود معكم أحبتي


في كرسي الاعتراف مع من وقع عليها اختيار الأخ والمشرف المميز عمير لتكون على كرسي الاعتراف


وهي الإنسانه التي بالرغم من قلة مشاركاتها إلا أنها كسبت ود الأعضاء وامتازت بطيبتها وخفة ظلها

نرحب بكِ أختي العزيزة







* miss sweet *





ونتمنى لكِ إقامة سعيدة على هذا الكرسي.


والآن اسمحِ لي بأن أطرح عليكِ أسئلتي



س / البطاقة الشخصية ؟

أ- الاسم.
ب- العمر.
جـ- الجنسية.
د- التخصص.
هـ- الوظيفة.

وأترك المجال لبقية الأعضاء لطرح الأسئلة

دمتم بخير %^$#.


ملاحظة : الفترة خمسة أيام فقط.

-

-
-

WideScreen

[miss sweet]

\

^&*

^&*

^&*

^

^
^

جميع أنوآع الصدمات لما شافت اسمها

المشكلة ياعمير مقدر أقول مردودهـ راح دورك

$#$

عالعموم مو مشكلة نجرب غرفة التعذيب ~ هع

- الاسم.

miss sweet

ب- العمر.

22 : )

جـ- الجنسية.

كلي فخر أني من ديآر بو متعب ^_^

د- التخصص.

رياض أطفال

هـ- الوظيفة.

مازلت أفحط بالجآمعة ><

بس بأذن الله باقي لي السنة هذي و أتخرج : )

ثآنكس خيوو WideScreen عالمجهود

بانتظار البقية ~ بس بليز خلوو أسئلتكم زي العسل هع

&*"

\

[بقآيآ انثى]

[Link nur für registrierte Benutzer sichtbar] ([Link nur für registrierte Benutzer sichtbar])

[Link nur für registrierte Benutzer sichtbar] ([Link nur für registrierte Benutzer sichtbar])


آهنن آهنن .."

بالعسـل.."

كيفك .."

عسآتس مرتآحهـ.."

هع .."

يلا نبدأ .."

طبعاً انا اكيد اسئلتي عسل مثلي >> ياليل الليل .."

ههههههههههههه .."

وش هويآت مس سويت ؟؟

سبب اختيآركـ لـ نك miss sweet?

امنيتك بالحيآهـ؟؟

وبث ..

[Link nur für registrierte Benutzer sichtbar] ([Link nur für registrierte Benutzer sichtbar])

[Link nur für registrierte Benutzer sichtbar] ([Link nur für registrierte Benutzer sichtbar])

[MoOon]

هلا والله بمس سوووويييت

منوره الكرسي خيتووو

طبعا انتي Vip لانك من السحالي فاطلبي اللي تبينه نلبيه لك على طول <<<تسمع بالنذاله $#$

نجي للأسئله الخاااطييييرااا :

* سبب اختيارك لتخصصك؟

*انتي البنت الكبيره ولا الصغيره ؟ $#$

* ماهو نوع هاتفك المحمول ؟<<< اكشخ ياعربي فوووصحى $#$
طبعا مع اللون ودقة الكامرا خخخ؟<< تعقيد لازم تسأله في كل مره

* لو سمحو لنا بقيادة السياره ايش السياره اللي بتشترينها؟

* بما أن تخصصك رياض أطفال اذكريلنا موقف لك مع احد بزارين العيله؟

خلصت أسئله في الوقت الحالي

$#$

[عمير]

أووووووووخس miss sweet على كرسي الأعتراف <<< يسوي فيها بريء $#$

كيف حالك ميس سويت عساك مرتاحه بالكرسي :)

الله يعينك على أسئلتي <<<<< حاقد يبي ينتقم %^$#

يله نبداء ، بسم الله

1- هل أنتي طباخه ماهره ولا نص نص ولا أبد ماتدلين المطبخ؟؟

2- كل أنسان له حلم ، ماهو حلم ميس سويت ؟

3- هل تؤيدين فكرة سواقة الحريم؟ وهل سقتي سيارة من قبل ؟

4- أنتي قلتي أن تخصصك رياض الأطفال. هل أستفدتي من هذا التخصص في حياتك ؟
وهل طبقتي الي درستيه مع اخوانك الصغار أو قرايبك الأطفال؟

5- وين تتمنين تسافرين إلى أي دولة ؟

6- ما سبب أنقطاعاتك المفاجئة للمنتدى ؟

7-شنو الصفه الي فيك وودك تغيرينها؟

وبس هذي أسئلتي وانا صايم، الله يعينك على أسئلتي لما أفطر <<< متوعد فيك بأسئلة ثقيله $#$

[miss sweet]

\

احم الله يستر منكم

$#$

بقآيا انثى

أهنن أهنن

نشوف أسئلتك العسل على كلآمك هع ,,

وش هوايآت مس سويت ؟؟

تصفح الانترنت - السفر - قرآءة الكتب <-- مع أنوو هـ الهواية حسيتها بدأت تتلاشى : (

سبب اختيآركـ لـ نك miss sweet?

بصرآحة مدري أول منتدى أسجل فيه باليوزر هذا هو بؤرة الإبداع

يمكن لأني أحب الحلاوة <-- خخخخخخـ

ويمكن لأنوو صقيقتي ميس شوكلت قلت خلينا نكون وضع عكسي هع

امنيتك بالحيآهـ؟؟

الى الآن مازالت أمنتيتي قريبة من التحقق هو تخرجي من الجآمعة بمعدل حلوو : )

"

ثآنكس قلبوو عالأسئلة النايس

%^$#

\

[miss sweet]

\

MoOon

هلا و غلا

طبعا انتي Vip لانك من السحالي فاطلبي اللي تبينه نلبيه لك على طول <<<تسمع بالنذاله

هههههههههههههههه

زين والله حلوو ,, أجل أطلب أي وجبة عـ ذوقكن من ماك <-- صايمة يالهبلة

$#$

نجي للأسئله الخاااطييييرااا :

تيب و الله يستر هع

* سبب اختيارك لتخصصك؟

اممممممممممممممممممم

لأنوو كان ما فيه تخصصات بالجامعة نصهم مقفلينهم و السبب الأقوى كان التخصص

جديد حنا ثآني دفعة قلت أكيد بيكون مجال التوظيف واسع : )

طبعاً كنت خايفة اني ما أمشي فيه بحكم أنوو علاقتي مع الحلم صفر ><

بس الحمدالله على كل حال الآن كل شي تمام و كذا فجأهـ حبيت القسم ^_^

*انتي البنت الكبيره ولا الصغيره ؟

الكبيرهـ من تعاسة حظي : (

* ماهو نوع هاتفك المحمول ؟<<< اكشخ ياعربي فوووصحى
طبعا مع اللون ودقة الكامرا خخخ؟<< تعقيد لازم تسأله في كل مره

نوكيا الخيال المطور 5700 ( أحمر + أبيض ) " دقة الكام / 2 ميقا بيكسل

* لو سمحو لنا بقيادة السياره ايش السياره اللي بتشترينها؟

وااااااااااو

متى بس يتحقق هالحلم ! هع

فيه سيارهـ ببالي يا اني أخق عليها أقوى خققان

كلايزر <-- عسى اسمها صح بس

المهم اني أعشقها و أبيها <-- عاشت جو

&*"

* بما أن تخصصك رياض أطفال اذكريلنا موقف لك مع احد بزارين العيله؟

خخخخخخخخخخخخخخخـ

للأسف والله ما فيه ببالي شي معين

بس ترى ماتصير مواقف يعني اذا صار شي أو كذا أنا أتنرفز منهم

خالاتي يقولون لي ليه أنتِ داخلة هـ التخصص و أنتِ مو قدهـ

<-- تحطيم بقوهـ

$#$

"

وحياك ربي خيتوو : )

\

[miss sweet]

\

عمير

هلا والله بالدب <-- حاقدهـ هع

كيف حالك ميس سويت عساك مرتاحه بالكرسي :)

والله الى الآن الأوضاع مستقرهـ

والله يستر من بكرهـ : (

الله يعينك على أسئلتي <<<<< حاقد يبي ينتقم

ههههههههههههههههه

الله يعيني بقوهـ

$#$

1- هل أنتي طباخه ماهره ولا نص نص ولا أبد ماتدلين المطبخ؟؟

امممممممممممممممممممم

خل الأشياء مستورهـ هع

يعني مو ماهرهـ ولا عاد ما أدل المطبخ يعني الحمدالله مو شينة أمشي الحال

يعني لو دخلت المطبخ الحمدالله مو فاشلة هـ الشي مطمني على مستقبلي هع

بس المشكلة اني عجازهـ لو أعطي نفسي مجال بكون ماهرهـ <-- اوخس ياواثقة

2- كل أنسان له حلم ، ماهو حلم ميس سويت ؟

قريب من سؤال بقآيا : )

مثل ماذكرت اني أتخرج بمعدل حلوو

وفيه شي ثآني شخصي و خاص ^_^

3- هل تؤيدين فكرة سواقة الحريم؟ وهل سقتي سيارة من قبل ؟

طبعاً أؤيدها و بقوهـ بعد ,,

وللأسف مامرهـ سقت بس أن شاء الله قريب <-- اماا

4- أنتي قلتي أن تخصصك رياض الأطفال. هل أستفدتي من هذا التخصص في حياتك ؟
وهل طبقتي الي درستيه مع اخوانك الصغار أو قرايبك الأطفال؟

طبعاً استفدت بس مو كثير <-- طسي

يعني كنت أتمنى اني أتعمق في التخصص بشكل أكبر بس للأسف دراستنا مو كذا

والى الآن ما طبقت شي عليهم بس بطبق على عيال العالم " هع

5- وين تتمنين تسافرين إلى أي دولة ؟

قول دول مو دولة <-- ما تنعطى فيس

الهند - فرنسا - استراليا - تركيا

&*"

6- ما سبب أنقطاعاتك المفاجئة للمنتدى ؟

امممممممممممممممممم

أقوى سبب انوو عندي منتدى أساسي و أنا من الطاقم الاداري و للأسف مو قادرهـ

أوفق بين هذا و ذاك ~ فتشوفوني ياخذني الشوق لكم و أطل أشوف أخبآركم : )

7-شنو الصفه الي فيك وودك تغيرينها؟

فيه صفات مو بس صفة .. هع

بس أقوى صفة ( طيبة قلبي الزايدهـ )

للأسف الطيبة ما تنفع الأيام هذي حتى قرايبك صاروو يقسون عليك يعني الجفاف

صار سيد التعامل : (

وبس هذي أسئلتي وانا صايم، الله يعينك على أسئلتي لما أفطر <<< متوعد فيك بأسئلة ثقيله

يمه منك هذا و أنت صايم

الله يستر منك هع

وحياك الله : )

\

[Miss _Chocolate]

ماهي أحسن صفه فيك واسوء صفه فيك ؟؟
لمن تقولين هذه العبارات ؟
تعجبني صراحتك :
تعجبني هدؤك :
فقدناكم:
تعجبني خفت دمكم :
تعجبني افكارك:
من الأقرب إليك من أفراد عائلتك ؟ و من أصدقائك ؟
ترتاحين لشخص معين بالمنتدى ؟؟
من هو العضو الذي تتمنين جلوسه على كرسي الاعتراف ؟
باقة ورد لمن تهديها ؟
ماهي التجربه التي تتمنين تكرارها ...؟؟

وبس
يازين اسألتي بس
هههههههههههههههههه
اتمنى تكون خفيفه عليك دبدوبه

[أسير المشاعر]

هلا وغلا فيك اختي مس سويت بالكرسي

إن شاء الله مرتاحه ؟ ههههههههه

كم سؤ ال خفيف اسمحيلي فيهم

1/ شي بداخل مس سويت وماتقدر تقوله الا لشخص معين مين هو ؟؟

2/ لك ميول شعريه ؟

3/ لك قصايد أو نثريات ؟

4/ شاعرك المفضل ؟

5/ موقف مضحك صار لك ؟

6/ حكمة تؤمنين فيها ؟

7/ كلمات ولكمات (كلمة وتعريفك لها )

الرجل :

المرأه :

الحب :

القلم :

الورقه :

البحر :

8/ نشوفك مُقله في كتابة المواضيع .. ليش؟

9/ كم منتدى مشتركه فيه ؟

10 / لو تسلمتي إدارة المنتدى وش كنتي بتغيرين ووش كنتي بتضيفين ؟

--------------------------------------

بالتوفيق $#$

[ابو عمر]

هلا والله ..

عموما انا مروف بقلة الاسئه ولكن الله يعين ...

استعيني بالله ثم الجيبي على الاسئله (((صار اختبار)))

عموما

س1\ اغرب موقف مر على miss sweet ???

س2\ اكثر موقف احزن miss sweet ???

[miss sweet]

\

ميس شوكلت

أهلين و سهلين ^_^

ماهي أحسن صفه فيك واسوء صفه فيك ؟؟

أحسن صفة / الأمانة ( السر عندي مايطلع لأي شخص كان ) و أتمنى اني ما أتغير ..

أسوأ صفة / المجاملة ( مجاملتي زايدهـ عن حدها لدرجة على حساب نفسي >< )

لمن تقولين هذه العبارات ؟

تعجبني صراحتك :

صقيقتي الملقبة بـ pink

تعجبني هدؤك :

ما فيه ,,

$#$

فقدناكم:

معلمات ثانوي <-- كح

تعجبني خفت دمكم :

أعضاء بؤرة الابداع بالأخص ( الطاقم الاداري بأكمله )

تعجبني افكارك:

أدمن

من الأقرب إليك من أفراد عائلتك ؟ و من أصدقائك ؟

من بيتنا أختي مع أنوو في فرق كبير بالعمر بس بحكم أنوو البقية أولاد

من صديقاتي والله مقدر أحدد كل وحدة قريبة لي في شي : )

ترتاحين لشخص معين بالمنتدى ؟؟

بلا شك الغالية ميس شوكلت

&*"

من هو العضو الذي تتمنين جلوسه على كرسي الاعتراف ؟

ههههههههههههههههههههه

طبعاً أنتِ و من قلب بعد ~ هع

باقة ورد لمن تهديها ؟

أمي & أبوي

ماهي التجربه التي تتمنين تكرارها ...؟؟

اممممممممممممممممم

لما كنا بسنة أولى كانت عندنا زيارة للروضة ( مشاهدة ) من جد كانت تجربة

خطيرهـ بحكم أنوو أول مرهـ تحصل لنا هيك زيارة و مقابلة الأطفال طبعاً حصلت لنا

مرة ثانية بس تختلف كثير عن شعور المرهـ الأولى : )

وبس
يازين اسألتي بس
هههههههههههههههههه
اتمنى تكون خفيفه عليك دبدوبه

هههههههههههههههههه

ايي والله مو شينة <-- طيب قولي زينة

$#$

حياك ربي قلبوو

\

[miss sweet]

\

أسير المشاعر

هلا وغلا فيك اختي مس سويت بالكرسي

إن شاء الله مرتاحه ؟ ههههههههه

هلا بك : )

بالنسبة لمرتاحة للأسف لا لأنوو أشوفكم بديتوو بالأسئلة اللي لك عليها <-- طسي

$#$

1/ شي بداخل مس سويت وماتقدر تقوله الا لشخص معين مين هو ؟؟

امممممممممممممممم

سؤال صعب ~ يمكن يظل بداخلي هـ الشي وما ينقال أبد : )

2/ لك ميول شعريه ؟

للأسف لا

3/ لك قصايد أو نثريات ؟

لا : )

4/ شاعرك المفضل ؟

نواف بن فيصل

5/ موقف مضحك صار لك ؟

كنت بـ الجامعة و عندنآ محآضرهـ الساعة 10 و نص الى 12 وبرضوو محآضرهـ

الساعة 1 الموهيم بعد الصلآهـ يعني بعد المحآضرهـ الأولى حسيت أنوو رجلي

ترقل كأنهآ مسمآر ^&* .. و نزلت عيوني أشوف ( الكعب ) منكسر .. (()):* ..

طبعآ الشلة تطنز و ضحك علي و أنآ فيسي كوذآ ( ^&* ) وش السوآة !!

وأطير اللوكر و أشوف بنت خآلوو لابسة عبآتهآ بتطس البيت قلت لهآ زييين شفتك ..

و أتبآدل معهآ الجزم $#$ .. يـ حووبي لهآ أكوس انقآآآذ ..

6/ حكمة تؤمنين فيها ؟

[ قلبك أوسع لسرك ]

7/ كلمات ولكمات (كلمة وتعريفك لها )

الرجل :

أساس الحياهـ فبدونه نشعر بالنقصان فهو كعمود المنزل حتى لو كان معتوهـ

المرأه :

مكمله للرجل فإن كان الرجل كعمود المنزل فهي احدى زواياهـ

الحب :

كنبضات قلب الإنسان ان توقفت مات

القلم :

الصديق الوفي لكل كاتب

الورقه :

مكملة للقلم ففقدان أحدهما لا يجدي نفعاً

البحر :

كالصديق ان خنته خدعك

8/ نشوفك مُقله في كتابة المواضيع .. ليش؟

بسبب قلة دخولي : (

9/ كم منتدى مشتركه فيه ؟

مقدر أحصرهم لك

بس الأغلبية مجرد تسجيل أو مشاركات قليلة جداً

بس الأساس ( 2 ) منتدآي الأساسي + البؤرة

10 / لو تسلمتي إدارة المنتدى وش كنتي بتغيرين ووش كنتي بتضيفين ؟

امممممممممممممممممممم

أتوقع راح أقلل من الأقسام <-- وش دخلك

وبركب خاصية النافذة الصغيرة تبع الرسايل الخاصة عند فتح الرئيسية

وبخلي مدة تعديل مشاركة العضو لنفسه مفتوحة مو نص ساعة بعدها ما له الصلاحية

يمكن هذي الأساسيات : )

وبس و أخيرررررراً ما بغينا نخلص

$#$

وحياك ربي خيوو : )

\

[miss sweet]

\

ابو عمر

هلا والله ..

عموما انا مروف بقلة الاسئه ولكن الله يعين ...

استعيني بالله ثم الجيبي على الاسئله (((صار اختبار)))

هههههههههههههههههههه

من جد حسيت نفسي بأختبار

$#$

س1\ اغرب موقف مر على miss sweet ???

لما كنا بالكويت أول يوم وصلنا فيه

طبعاً كانت الكويت متغيرة كثير علينا من بعد أول زيارة المهم أنوو كنا ندور فندق

بس مو دالين و ضايعين شوي ,, و كل ما لقينا يكون زحمة مافيه مجال المهم أنوو

أبوي وقف يسأل و شفنا واحد كويتي قاله خلاص ولا يهمكم امشوو وراي و أن شاء

الله ما لكم الا اللي يرضيكم و نفس الوضع كل ماوقفنا عند فندق أو شقق يكون

زحمة راح أبوي قاله خلاص الله يعطيك العافية ما قصرت توكل على الله و حنا بنكمل

بحثنا ذاك ما رضى قال أنا فاضي و يشرفني أخدم أهل السعودية وربي بدون مبالغة

أنه تم يحوس معنا على نص الكويت تقريباً 4 ساعات

^&*

من جد استغرررربنا كثير من تصرفه لو واحد ثآني كان قال اللي علي سويته مو

ملزوم فيهم بس بصراحة من بعد هـ الموقف تغيرت نظرتي لشعب الكويت ..

$#$

تقريباً من جد هذا أغرب موقف : )

س2\ اكثر موقف احزن miss sweet ???

امممممممممممممممممممم

يا كثر الموآقف الحزينة ><

بس يمكن أكثر شي وفآة خآلتي قبل كم شهر

اللي يحزن بالموضوع أني كنت شايفتها قبل وفاتها بكم ساعة : (

وبس ~ مشكووور خيوو عالأسئلة الخفيفة ^_^

\

[Miss _Chocolate]

اهلون
رجعت مره ثانيه
<< وش جابك يالعله
هههههههههههههههههههه

المهم الاسئله كالتالي:
1. اكثر شي يجذبك بالمنتدى؟
2.افضل عضو و عضوة بالمنتدى؟
3.نقطه ضعفك؟
4.كم ساعه تجلسين على النت؟
5.طبيعتك؟
6.اذا تضايقت وين تروحين ؟ ولمين تشتكين؟

اعتقد ان اسئلتي تزنن ومو ثقيله

[miss sweet]

\

ميس شوكلت

اهلون
رجعت مره ثانيه
<< وش جابك يالعله
هههههههههههههههههههه

هههههههههههههههههههه

لو أنك شخص ثاني كان قلت علة

بس أنتِ مقدر فيك

$#$

هلا بتس مرة و مرتين و ثلاث :$

1. اكثر شي يجذبك بالمنتدى؟

قسمين " القهوهـ + الصور

2.افضل عضو و عضوة بالمنتدى؟

امممممممممممممم

ما أبغى أظلم أحد بصرآحة كل شهر ماشاء الله يتميز عضو

مقدر أحصر أسماء معينة يعني ماشاء الله الأغلبية مميزين : )

3.نقطه ضعفك؟

الأنترنت <-- شوفو التفكير بس

4.كم ساعه تجلسين على النت؟

كح وشوو له الفزايح هع

نص اليوم تقريباً بس مقطعة

5.طبيعتك؟

مافهمت هالسوعال ! <-- لا تاخذين عليها مانامت ><

6.اذا تضايقت وين تروحين ؟ ولمين تشتكين؟

للأسف الأغلبية العظمى أكتم بقلبي أتمنى أشكي بس تعودت عالكتمان

أو اذا دخلت منتدآي الأساسي مباشرةً أتوجه لموزوع ( خربشات ) أفرغ اللي

بداخلي ..

$#$

بس الآن أنتِ بالذات بدأت أفتح لك قلبي ولله الحمد ..

&*"

اعتقد ان اسئلتي تزنن ومو ثقيله

ايي والله تزنن ~ حياك ربي : )

\

[عمير]

أحم أحم

رجعت مره ثانيه بكومة أسئلة $#$

1- أنت تقولين ان نص يومك على النت لو قطع النت عليكم اسبوع لا قدر الله وش تسوين في نص يومك :) ؟

2- - مشهد أحزنك وآلمك جعلك تذرفين دموعا من شدة الحزن

3- وآخر أسعدك بحيث جعلك تذرفين دموع الفرح ؟

4- - لو صار عيد ميلادك شنو تتمنين الهدايا الي يعطونك ياها ؟

5- شنو لعبتك المفضلة لما كنتي صغيرة؟

6- أفضل مكان تفضلين الخروج له؟

هذي أسئلتي :) خفيفه صح؟؟

%^$#

[miss sweet]

\

عمير

أحم أحم


رجعت مره ثانيه بكومة أسئلة

هلا بك

حياك ربي : )

والله يستر من أسئلتك

%^$#

1- أنت تقولين ان نص يومك على النت لو قطع النت عليكم اسبوع لا قدر الله وش تسوين في نص يومك :) ؟

اممممممممممممممممممم

سوعال صعب

يعني بصرآحة على حسب ظروفي يمكن أدبر لي طلعة و أدوج

أو أحط حرتي بالنوم

$#$

2- - مشهد أحزنك وآلمك جعلك تذرفين دموعا من شدة الحزن

للأسف مقدر أذكرهـ هنا لأنوو موقف خآص بس سبب الدموع اني كنت مظلووومة

وأظن أغلبنا جرب مرآرة الظلم : (

3- وآخر أسعدك بحيث جعلك تذرفين دموع الفرح ؟

تخرجي من ثآنوي بنسبة ختيرهـ فرحتني و بكتني أكثر لما شفت دموع أمي

&*"

4- - لو صار عيد ميلادك شنو تتمنين الهدايا الي يعطونك ياها ؟

ههههههههههههههههه

بصرآحة بكون طماعة ~ هع

يعني السنة هذي جآني هدية جوال : ) " بس السنة الجآية أبغى لاب

<-- ما تنعطى فيس

$#$

5- شنو لعبتك المفضلة لما كنتي صغيرة؟

هههههههههههههههههههههه

يوووهـ بتطلع الفزآيح بس ماراح أذكر الألعاب الحفلة اللي كنا نلعبهم و كوذا

لأنهم كثار هع ,, بس اللي من جد أحبه و الى الآن ( بلايستيشن ) = لعبة

بيبسي ماان " من جد حمآس

&*()(

6- أفضل مكان تفضلين الخروج له؟

أي مكان فيه دوآرة بالسيارهـ أحبه <-- قروية

لا جد أحب طلعات الكشتآت بجميع أنوآعها : )

هذي أسئلتي :) خفيفه صح؟؟

ايي الحمدالله خفيفة .. أهون من المرهـ الأولى هع

وحياك الله ^_^

\

[WideScreen]

أشكر الجميع على هذه الأسئلة الرائعة good(:


ونشكر الأخت العزيزة miss sweet لوجودها معنا على كرسي الاعتراف


وأطلب منها ترشيح أحد الأعضاء ليكون على كرسي الإعتراف

ننتظر ترشيخ الأخت العزيزة miss sweet %^$#.


-
-
-


WideScreen

[miss sweet]

^

^
^

يعطيك العافية WideScreen

أرجع أرشح ميس شوكلت

يمكن أنها غيرت رايها و تراجعت عن الرفض

$#$

اذا عندت هـ الدوووبا

أختار ذات الهمم

<-- يعني بالأحتياط

%^$#

\